Bekobodda chigit ekish mavsumi boshlandi

    Toshkent viloyati Bekobod tumanida chigit ekish jarayoni boshlandi. Joriy yilda ham zamonaviy texnologiyalar asosida 76/10 sxemada plyonka ostida ekish usuli qo‘llanmoqda. Qishloq xo‘jaligi vaziri Ibrohim Abdurahmonov va viloyat hokimi Zoyir Mirzayev jarayonni kuzatib, hosildorlikni oshirish bo‘yicha tavsiyalar berdi. Texnikalar ishga tushirilib, tuproq sifatli tayyorlanmoqda. Dehqonlar esa suv tejovchi texnologiyalar va samarali agrotexnik tadbirlar orqali mo‘l hosil olishga umid bog‘lashmoqda.

    Bekoboddagi ekish mavsumining boshlanishi agrar sohaning barqaror rivojlanishiga qaratilgan muhim qadamlardan biridir.