Namangan viloyatida yuqori hosildorlikka erishilmoqda 

    Namangan viloyati Uchqo‘rg‘on tumani, “Baxt Mash servis” MMTPl hududida joylashgan “Azizbobo” fermer xo‘jaligi tomonidan 2025-yil paxta hosili uchun 50 gektar maydon ajratilib, bu yerda “Xin Lu Zao 52” navi Shinjon texnologiyasi asosida ekildi.

    Ayni kunda dalada terim ishlari faol davom etmoqda. Hosilning sifati va hajmi yuqori bo‘lib, gektaridan o‘rtacha 65 sentner paxta olinmoqda. Mutaxassislarning ta’kidlashicha, bu yutuqqa zamonaviy agrotexnologiyalarni o‘z vaqtida qo‘llash, sug‘orish va oziqlantirish jarayonlarini ilmiy asosda tashkil etish hamda samarali parvarishlash choralarini tatbiq etish orqali erishildi.