Payariqda gʻoʻza navlarida agrotexnologiyalar boʻyicha dala seminari oʻtkazildi

    Samarqand viloyati Payariq tumanidagi “Nurjaxongir agro” fermer xoʻjaligida xorijiy va mahalliy chigit ekilgan maydonlarda gʻoʻza parvarishining ilgʻor agrotexnologiyalariga bagʻishlangan ilmiy-amaliy seminar tashkil etildi. 5,2 gektar maydonda S-8286 navi 76/10 sxemada ekilgan boʻlib, zarur o‘g‘itlar va himoya choralari belgilangan meʼyorda qo‘llanilgan.

Mutaxassislar tomonidan:
🔘zararkunandalarga qarshi biologik va kimyoviy himoya;
🔘maqbul sug‘orish me’yorlari;
🔘o‘g‘itlash tartibi;
🔘o‘sishni boshqarish texnologiyalari bo‘yicha tavsiyalar berildi.

🔹 Oltinkoʻz, trixogramma va brakon entomofaglarini qoʻllash;
🔹 feromon tutqichlar yordamida kuzatuv;
🔹 shira, trips, qandala, o‘rgimchakkanaga qarshi zamonaviy vositalarni navbatma-navbat ishlatish;
🔹 kasalliklar tarqalishining oldini olish bo‘yicha tavsiyalar bildirildi.

    Viloyat Agroxizmatlar markazi direktori A.Narbayev seminar yakunida agrotexnik tadbirlarni ilmiy yondashuv asosida bajarish, Paxtachilik kengashining 2025-yil 13-martdagi 10-son bayoniga ilova etilgan uslubiy qoʻllanmani toʻliq oʻrganish zarurligini ta’kidladi.

    Seminar yakunida ishtirokchilar savol-javoblar orqali o‘zlarini qiziqtirgan savollarga javob olishdi.