Farg‘ona viloyati Quva tumanidagi “Toyirjon Qoraboyev hosili” fermer xo‘jaligiga qarashli paxta maydonlarida g‘o‘zapoyalar yig‘ishtirib olingach, yerlarni polietilen plyonka qoldiqlaridan tozalash ishlari olib borilmoqda.
G‘o‘za yetishtirishda foydalaniladigan polietilen plyonkalar agrotexnik jihatdan muayyan afzalliklarga ega. Biroq hosil yig‘ib olingach, ularni dalada qoldirish tuproq holati va keyingi ekinlar yetishtirish jarayoniga salbiy ta’sir ko‘rsatishi mumkin.
Tuproq sifatini saqlash. Tuproqda to‘planib qolgan plastik qoldiqlar uning tabiiy xususiyatlariga, havo va suv almashinuviga salbiy ta’sir ko‘rsatishi mumkin.
Atrof-muhitni muhofaza qilish. Polietilen uzoq vaqt davomida parchalanmaydi. Vaqt o‘tishi bilan mayda plastik zarrachalar — mikroplastiklar hosil bo‘lib, tuproq va atrof-muhitni ifloslantirishi mumkin.